QA-დან SDET-ად გადასვლა
QA-დან SDET-ად გადასვლა არის მნიშვნელოვანი კარიერული ცვლილება, რომელიც მოითხოვს ტესტირების ექსპერტიზისა და პროგრამირების უნარების შერწყმას და კიდევ ბევრ ტექ თუ არა ტექ საკითხების შეჯერებას ერთმანეთში. ამ პოსტში ჩამოვწეროთ დაახლოვებით ნაბიჯები თუ რა გვჭირდება რომ გადავიდეთ QA დან SDET სფეროში.
ნაბიჯი 1: გაიღრმავე შენი ტესტირების საფუძვლები
- გაიღრმავე შენი QA ცოდნა: დარწმუნდით, რომ ნამდვილად კარგად და უფრო მეტადაც კარგად გესმით ტესტირების, ტესტის შექმნის, ტესტის დაგეგმვის და ბაგების მნიშვნელობა და დანიშნულება.
- ისწავლეთ სხვადასხვა ტიპის ტესტირება: გაეცანით სხვადასხვა ტიპის ტესტირებას, როგორიცაა ფუნქციონალური, რეგრესიული, ინტეგრაციის და სხვა მრავალი. (არ არის აუცილებელი ყველაფერი გაზეპირებული გქონდეთ), იცოდეთ რომ არსებობს მსგავსი ტიპის მიდგომები და მთავარია სწორ დროს შესაბამისად გამოიყენოთ.
ნაბიჯი 2: ისწავლეთ პროგრამირების ენა
- აირჩიეთ ენა: რა თქმა უნდა ამ საკითხს ვერ ავუვლით გვეერდს და შესაბამისად ჩნდება კითხვა თუ რომელი ენა ვისწავლოთ. ეს საკითხი არის ინდივიდუალური და დამოკიდებულია ბაზარზე არსებულ მოთხოვნაზე და საკუთარ შესაძლებლობებზე. თუმცა შეგვიძლია განვიხილოთ რამდენიმე:
Python მაღალი რეკომენდაციით გამოიყენება მისი წაკითხვადობისა და ავტომატიზაციაში ფართო გამოყენების გამო, რაც უფრო მარტივს ხდის დამწყებთათვის, მე პირადად python თან ურთიერთობა მიმიწია მაშინ როდესაც უკვე მქონდა საკმაოდ დიდი გამოცდილება სხვა პროგრამირების ენებთან განსაკუთრებით ობიექტზე ორიენტირებული პროგრამირების და სიმართლე გითხრათ ძალიან არ მომეწონა python. (თუმცა ეს სუბიექტური შეფასებაა) და მე პირადად უპირატესობას ვანიჭებ Java და Javascript,
ბაზარზეც ძირითადად ეს ენები დომინირებს თუმცა რა თქმა არ უნდა არ უნდა გამოგვრჩეს C#.
რომ შევაჯამოთ, ქართულ და ასევე არა ქართულ ბაზარზე გირჩევით დაიწყოთ Java გამოყენებით.
ასევე უნდა გავითვალისწინოთ ის რომ მარტო 1 ენასთან მუშაობაც არაა საკმარისი ხშირ შემთხვევაში რადგან შეიძლება კომპანია რომელშიც ჩვენ მოვხდებით მომავალში სულ სხვა სტანდარტებს იყენებდეს.
მაგრამ რაც მთავარია უნდა გვახსოვდეს რომ ნებისმიერი საკითხის/ქეისის გადაჭრა შეგვიძლია ნებისმიერ ენაზე მაგრამ ეს არ ნიშნავს იმას რომ ყველა ტიპის საკითხში რომელიმე ენა არის პრიორიტეტული და შეუცვლელი. - დაიწყეთ საფუძვლებით: ისწავლეთ პროგრამირების საფუძვლები, როგორიცაა ცვლადები, კონტროლის სტრუქტურები, მონაცემთა ტიპები და ფუნქციები. (მინ. 2 ენაზე მაინც, რაც მოგცემთ იმის საშუალებას რომ სამომავლოდ თუ მოგიწევთ შეიცვალოთ ენა და სხვა ენაზე წეროთ კოდი, უფრო გაგიმარტივდებათ ვინაიდან კონცეფცია უკვვე გასაგები იქნება თქვენთვის)
- შექმენით მცირე პროექტები: გამოიყენეთ თქვენი ცოდნა მცირე პროექტების ან სკრიპტების შესაქმნელად, რომლებიც ავტომატიზაციას ახდენს მარტივ დავალებებს.
ნაბიჯი 3: შეისწავლეთ ავტომატიზაციის ხელსაწყოები და ჩარჩოები (ფრეიმვორქები)
- Selenium: დაიწყეთ UI ავტომატიზაცია Selenium-ით, რომელიც პოპულარული ინსტრუმენტია ვებ ტესტირებისათვის.
- appium მობილური აპლიკაციების ტესტიებისთვის
- სხვა ინსტრუმენტები: გაეცანით ინსტრუმენტებს, როგორიცაა JUnit/TestNG (Java-სთვის), Mocha/Chai (JavaScript-ისთვის) და Playwright / cypress (UI ავტომატიზაციისთვის)
ნაბიჯი 4: გაეცანით API ტესტირებას და ავტომატიზაციას
- ისწავლეთ API კონცეფციები: გაიგეთ, რა არის API და როგორ მუშაობს.
- გამოიყენეთ ინსტრუმენტები: დაიწყეთ Postman-ით ხელით API ტესტირებისთვის. გადადით ავტომატიზებულ API ტესტირებაზე ინსტრუმენტების გამოყენებით, როგორიცაა RestAssured (Java) ან Requests (Python).
ნაბიჯი 5: გაიგეთ უწყვეტი ინტეგრაციის/უწყვეტი მიწოდების (CI/CD) პრინციპები
- ისწავლეთ CI/CD საფუძვლები: გაიგეთ CI/CD კონცეფციები და რატომ მნიშვნელოვანია ისინი პროგრამული უზრუნველყოფის განვითარების ციკლში.
- გაახორციელეთ CI/CD: გამოიყენეთ ინსტრუმენტები, როგორიცაა Jenkins, GitHub Actions ან CircleCI თქვენი ტესტის სიუტების ავტომატიზაციისთვის.
ნაბიჯი 6: შეიძინეთ ცოდნა ტესტირებაში
- ისწავლეთ ინსტრუმენტები: გაეცანით შესრულების ტესტირების ინსტრუმენტებს, როგორიცაა Locust და K6.
- გაიგეთ მეტრიკები: ისწავლეთ, როგორ ანალიზიროთ შესრულების მეტრიკები და გამოავლინეთ “ბოთლნეკები”.
ნაბიჯი 7: იმუშავეთ cloud და კონტეინერ ტექნოლოგიებზე
- ისწავლეთ Docker: გაიგეთ კონტეინერიზაცია და როგორ გამოიყენოთ Docker კონტეინერების შესაქმნელად, სამართავად და განთავსებისთვის.
- გამოიკვლიეთ Kubernetes: ისწავლეთ Kubernetes-ის საფუძვლები კონტეინერების ორგანიზებისთვის და როგორ განათავსოთ აპლიკაციები Kubernetes-ის კლასტერში.
ნაბიჯი 8: მონაწილეობა მიიღეთ კოდის მიმოხილვაში
- კოდის მიმოხილვა: ჩაერთეთ კოდის მიმოხილვებში, რომ გაიგოთ საუკეთესო პრაქტიკები და გააუმჯობესოთ თქვენი კოდის უნარები. (ეს შეიძლება იყოს გუნდური მუშაობა, ფორუმებიდან, ბლოგებიდან და სხვა წყაროებიდან ინფორმაციის მოძიება ანალიზი, ინფორმაცია თუ როგორ მიდის ტესტირების ტენდეციები რა იცვლება რა იგეგმება. ინფორმაციები თუ როგორ მოვახდინოთ კოდის ოპტიმიზაცია და სხვა.
- თანამშრომლობა: იმუშავეთ ახლოს დეველოპერებთან, რომ გაიგოთ კოდის ბაზა და დაწეროთ უფრო ეფექტური ტესტის შემთხვევები.
ნაბიჯი 9: განაგრძეთ სწავლა და გაუმჯობესება
- განახლდით: განაგრძეთ ტენდენციების და ინსტრუმენტების შესწავლა ინდუსტრიაში.
- უწყვეტი სწავლა: ჩადეთ დრო, ნერვები და ცოტა ფინანსებიც ახალი უნარებისა და ტექნოლოგიების შესწავლაში, რაც გააუმჯობესებს თქვენს ტესტირების შესაძლებლობებს.
ნაბიჯი 10: არ გაჩერდე
- ეს ის სფეროა სადაც ერთ ადგილზე დგომაც კი ნიშნავს უკან სვლას. ასე რომ არ გაჩერდეთ და მუდმივად განვითარდით. როგორც კი გაიფიქრებთ რომ “მე ახლა უკვე ყველაფერი ვიცი” ესეიგი არაფერი იცი 🙂 (ფილოსოფოსობა არაფერ შუაშია 😀 უბრალოდ სწავლა განვითარება არ უნდა შეწყვიტო არასოდეს)
დასკვნა
QA-დან SDET-ად გადასვლა არის რთულიც და მარტივიც, რომელიც ხსნის ახალ შესაძლებლობებს კარიერული ზრდისთვის. ამ რჩევების მიმდევრობით, თქვენი QA გამოცდილების გამოყენებით და ავტომატიზაციის და განვითარების უნარების შენებით, შეგიძლიათ წარმატებით მოახდინოთ გადასვლა და შექმნათ თქვენი ახალი როლი SDET-ად.
და თუ შენ გადაწყვეტ რომ დაადგე ამ გზას, ჩვენი გამოცდილი გუნდი გთავაზობთ ასევე რომ ისარგებლოთ ჩვენი ონლაინ კურსებით რომლის ინფორმაციაც შეგიძლიათ იხილოთ ქვემოთ:
რეგისტრაცია დაიწყო პროგრამული უზრუნველყოფის ტესტირების ავტომატიზაციის კურსზე, WEB და API მიმართულებით!
